Хятадын юанийн ам.доллартай харьцах ханш сүүлийн долоон сарын доод түвшинд хүрч буурчээ. Энэ нь дотоодын өсөлт удааширч, экспорт хумигдаж байгаагаас үүдсэн зах зээлийн түгшүүр болон АНУ-ын хүүгийн өсөлтөөс үүдэн валютын дарамтыг нэмэгдүүлсэнтэй холбоотой. Өнгөрсөн жил АНУ-ын Холбооны нөөцийн сан бодлогын хүүгээ өсгөж эхэлснээс хойш Хятадын мөнгөн тэмдэгт дарамтанд оржээ. Улмаар АНУ-ын Сангийн сангийн өгөөжийг Хятадынхаас давж, дэлхийн хөрөнгө оруулагчид юаниар зээл авахаа болиход хүргэсэн байна.

АНУ-ын Төв банк зургадугаар сард бодлогын хүүгээ нэмэхгүй байх шийдвэр гаргасан ч энэ сард юанийн ханш унасан хэвээр байна. Валютын ханш суларч байгаа нь нөгөө талаараа Хятадын экспортоос хамааралтай эдийн засагт ашигтай байгаа бөгөөд тус улсын бараа бүтээгдэхүүнийг худалдааны гол түншүүдийн худалдан авахад хямд болгож байна. Гэхдээ энэ нь олон улсын хэмжээнд бизнес эрхэлдэг Хятадын бусад корпорациудад, тэр дундаа ам.доллараар эргэн төлөгдөх ёстой оффшор өртэй, үл хөдлөх хөрөнгийн  компаниудад бэрхшээл учруулж байна.

 Хятад улсын зах зээл үндэсний баярын дараа Даваа гаригт дахин нээгдсэнтэй холбоотойгоор валютын ханш 0,6 хувиар буурч, нэг ам.доллар нь 7,2197 юань болж унажээ. Луун завины баярын үеэр жуулчдын зарцуулалт тахлын өмнөх түвшинтэй тэнцэхгүй байгааг албан ёсны статистик мэдээллээс харж болно. Энэ уналт нь юанийн ханш гуравдугаар сарын сүүлчээс хойш ам.доллартай харьцах ханш ойролцоогоор 5 хувиар буурсан байна.

Энэ нь 2005 онд тус улс ам.доллартай харьцах ханшийн уналтыг зогсоосноос хойш улирлын хамгийн муу үзүүлэлт бөгөөд өнгөрсөн жил Ковид-19 өргөн хүрээтэй түгжрэлээс хойших хамгийн огцом уналт юм. Шинжээчдийн үзэж байгаагаар, Хятадын мөнгөн тэмдэгтийн ханш сул байгаа нь тус улсын эдийн засгийн өсөлтийг хангах суурь хүчин зүйлсийн талаарх санаа зовнилыг улам нэмэгдүүлж байгааг харуулж байна.

Тус улсын төв банк ханшийн уналтын хурдыг удаашруулахын тулд бага зэрэг арга хэмжээ авч байгаа гэсэн дорвитой үр дүнд хүрэхгүй байна.  Хятадын Ардын банк Даваа гаригт валютын ханш аль ч чиглэлд хоёр хувиар хөдөлж, арилжаачдын таамаглаж байснаас илүү хүчтэй байх дундаж цэгийг тогтоов.

“Бодлого боловсруулагчид өнөөг хүртэл зөвхөн таамаг дэвшүүлэхээс зайлсхийж ирсэн ч зах зээл бүхэлдээ хэвийн ажиллаж байгаа тул хөндлөнгөөс оролцох арга хэмжээ аваагүй байна. Мөнгөний ханш сулрах нь гадагшаа барааг хямдруулах замаар экспортыг сайжруулахад тусалж болох ч бодлого боловсруулагчдын “эцсийн зорилго биш. Энэ нь юанийн ханш үүрд унана гэсэн үг биш” гэж "Bank of China International"-ын дэлхийн ахлах эдийн засагч, Төрийн гадаад валютын удирдлагын газрын ажилтан асан Гуан Тао хэлэв. 

ЭХ СУРВАЛЖ: FINANCIAL TIMES