ОХУ-д энэ сарын 18-20-ны өдрүүдэд Төрийн думын ээлжит сонгууль болж өндөрлөлөө. Энэ сонгууль болж байх үеэр Украины тал удаа дараа цохилт өгсөн байна.

Тухайлбал, есдүгээр сарын 20-нд шилжих шөнө Украины Зэвсэгт хүчин Москвад өргөн цар хүрээтэй цохилт өгсөн гэж хотын дарга Сергей Собянин мэдэгджээ.

ОХУ-ын Батлан хамгаалах яам, Оросын агаараас эсэргүүцэн хамгаалах систем Москваг чиглэсэн 450 дроныг устгасан бол бусад бүс нутаг, Крымийг чиглэсэн 1100 гаруй дроныг нэг шөнийн дотор устгасан гэж мэдэгджээ.

Ийнхүү Украины өргөн цар хүрээтэй агаарын довтолгооны улмаас Москвад газрын тос боловсруулах үйлдвэр шатаж, Москва мужид агуулах болон дулааны цахилгаан станц өртсөн байна. Мөн орон сууц өртөж, Москва орчимд 3 хүн амиа алдаж, 20 орчим хүн шархаджээ.