Налайх дүүрэгт менингококкт халдварын нэг тохиолдол бүртгэгдэж, хоёр сургуульн нэг цэцэрлэгийн үйл ажиллагааг цахим болголоо. Налайх дүүргийн онцгой комисс, Дүүргийн эрүүл мэндийн төвөөс мэдээлэхдээ "Менингококкт халдвараар өвчилсөн 3 настай хүүхдийн биеийн байдал маш хүнд байгаа. Ойрын хавьтлын зургаан хүнийг тусгаарлаж, шинжилгээ авахад бүгд сөрөг гарсан учраас тусгаарлалтаас гаргах шийдвэрийг гаргасан. Өвчний нууц хугацаа 2-7 хоног байдаг. Тохиолдол нэмж бүртгэгдвэл хөл хорио тогтооно" гэв. 

Тухайн хүүхэд өчигдөр /2025.01.29/ өглөө 8:30 цагт маш өндөр халуунтай "Нарны эрч" өрхийн эрүүл мэндийн төвд ирж үзүүлсэн. ХӨСҮТ-ийн лабораторид шинжилгээ өгснөөр 17 цагт менингит болох нь тогтоогджээ. Одоогийн байдлаар хүүхдийн биеийн байдал маш хүнд  хордлого ихтэй, ХӨСҮТ-ийн сэхээн амьдруулах эрчимт эмчилгээний тасагт байна.  

Цахим хэлбэрт шилжсэн байгууллагуудын тухайд хүүгийн явж байсан цэцэрлэг, цэцэрлэгийн байранд байдаг 160-р сургууль, өвчтөний эгчийн сургуулийг тус тус хөл хорионд оруулжээ. 

 

Утас:88577008