7-р сарын 11-нд болсон Хятадын ГХЯ-ны хэвлэлийн бага хурлыг тус яамны хэвлэлийн төлөөлөгч Ван Вэньбинь даргалан хуралдуулж, сэтгүүлчдийн сонирхсон асуултад хариулжээ.

Удахгүй зохиогдох Зүүн Азийн хамтын ажиллагааны Гадаад хэргийн сайд нарын уулзалтын талаар Ван Вэньбинь хэлэхдээ, "Өнөөгийн дэлхийн эдийн засгийн өсөлт удааширч, геополитикийн мөргөлдөөн зэрэг томоохон сорилтууд тасрахгүй байгаа нөхцөлд Зүүн Азийн тогтвортой байдлаа хадгалж, бүс нутгийн эдийн засгийн интеграцийн үйл явцыг үр дүнтэй ахиулж байна. Хятад улс Зүүн Азийн улс орнуудтай найрсаг харилцаатай, ялангуяа Хятад, АСЕАН-ы иж бүрэн стратегийн түншлэлийн харилцаа өндөр түвшинд хүрч, найрсаг хамтын ажиллагаа тасралтгүй гүнзгийрч, Зүүн Азийн хамтын ажиллагаанд маш чухал хувь нэмэр оруулж байна. Уг уулзалт нь харилцан итгэлцэл, хамтын ажиллагааг бэхжүүлэх индэр болж байдаг. Уг уулзалтаар улам олон нийтлэг ойлголтод хүрч, 9-р сард болох Зүүн Азийн хамтын ажиллагааны удирдагчдын уулзалтад үр дүнтэй бэлтгэл хангаж, улмаар бүс нутгийн тогтвортой байдлыг ахиулах зорилготой" гэсэн байна.