Сор залах ёсны бэлгэдэл:

• Галын дөл – Муу бүхнийг шатааж, ариусгах хүчийг илэрхийлнэ.

• Утаа, үнс – Өнгөрсөн муу бүхнийг үдэж, шинэ эхлэл авчрахын бэлгэдэл болно.

• Сорны өндөр байдал – Илүү өндөр, хийморьтой байх тусам сайн сайхныг даллана.

• Ерөөл, залбирал – Сайн үйлс дэлгэрч, муу бүхнийг хааж, аз хийморь дуудах утгатай.

Өнөө үед зарим хүмүүс лам хуврагуудын уншлагаар сорны хүч нэмэгдэнэ гэж үздэг.

Сор залах ёсны утга, зан үйл:

Монголчууд эртнээс өвөг дээдсийнхээ өвлүүлсэн зан үйл, ёс горимыг хүндэтгэн дээдэлж ирсэн ард түмэн. Тэдний нэгэн чухал ёслол бол сор залах зан үйл юм. Энэ нь тухайн улс орон, айл гэрийн өвчин зовлон, ад зэтгэрийг зайлуулж, сайн сайхан бүхнийг даллан дуудах бэлгэдэлтэй эртний уламжлал билээ.

Сор гэдэг нь хүний муу заяа, өнгөрсөн жилийн өвчин зовлон, үл зохилдох нөлөөг өөртөө шингээн авч, ариусгах үүрэгтэй хийморийн илэрхийлэл юм. Монголчууд сороо залахдаа тэнгэр хангайдаа хандан залбирал үйлдэж, ирэх жилийн өнгийг сайнаар зөгнөдөг.

Сор залах ёслол сүүлийн жилүүдэд өргөн дэлгэрэх болсон ч угтаа ихээхэн гүн гүнзгий утга, бэлгэдэл агуулсан зан үйл юм.