Солонгосын алдарт жүжигчин Lee Si Уoung хоёр дахь хүүхдээ өлгийдөн авснаа мэдэгдлээ. Тэрбээр өөрийн инстаграмаараа “бурхан ээжид өгсөн бэлэг” хэмээн хүүхэдтэйгаа авхуулсан зурагтайгаа хамт сэтгэгдлээ үлдээсэн байна.

Тухайн хүүхэд эмэгтэй бөгөөд IVF (In Vitro Fertilisation) аргаар төрсөн байна. Lee Si Young энэ аргыг гэрлэлтийн хугацаанд хадгалсан эмбриогоор үргэлжлүүлэн хэрэглэсэн бөгөөд салалтын дараах хувийн шийдвэрийн дагуу хоёр дахь хүүхдээ өлгийдөн авсан гэжээ.

IVF нь жирэмслэх боломжгүй хүмүүст зориулсан эмчилгээ бөгөөд эмэгтэй, эрэгтэй аль аль нь үр тогтоох чадвар багатай үед үр дүнгээ өгч чаддаг арга юм.

Энэ үйл явдал олон нийтийн анхаарлыг татаж, дэмжлэг болон шүүмжийг хамтад нь авч байна. Тэрбээр хүүхдүүдээ өсгөхдөө ээжийн үүргээ нэр төртэйгээр биелүүлэхээ илэрхийлсэн байна.