Өмнөд Солонгосын тэргүүн хатагтай асан Ким Гон Хи тансаг брэндийн “Chanel” цүнх хүлээн авсан нь үнэн болохыг хүлээн зөвшөөрсөн талаар тус улсын хэвлэлүүд мэдээллээ.

“The Korea Herald”, “JoongAng Daily” сонинуудын мэдээлснээр Ким Гон Хи хоёр ширхэг “Chanel” цүнхийг нэгэн шашны холбоотой бизнесмэнээс хүлээн авсан болох нь ил болсон байна. Түүний өмгөөлөгчийн багийн мэдэгдэлд “Тэрбээр анх бэлгийг авахаас татгалзсан ч тухайн нөхцөлд үүнийг хүлээж авахаас өөр аргагүй болсон” гэжээ. Цүнхнүүдийг 8 сая вон /5500 ам.доллар/, 12 сая вон, зүүлтийг 62 сая вон гэж үнэлж байна. 

Гэсэн ч тэрбээр уг бэлэг ямар нэгэн “солилцоо” эсвэл “улс төрийн ашиг сонирхолтой холбоогүй” хэмээн тайлбарласан байна.

Энэхүү хэрэг олон нийтийн дунд шүүмжлэл дагуулж, төрийн өндөр албан тушаалтны ёс зүйн хариуцлагын талаар дахин маргаан өрнөж байгаа юм.