Уул уурхай, хүнд үйлдвэрийн яам болон шатахуун импортлогч аж ахуйн нэгжүүдийн төлөөлөл “Роснефть” компанитай хэлэлцээр хийж энэ сард 1500 тн, ирэх сард 44 000 тонн, энэ сард ачигдалгүй үлдсэн 10 000 тн АИ92 шатахуун авахаар болсон билээ. Тэгвэл энэ сард авах 1500 тонн шатахуун ирэх мягмар гариг гэхэд Монгол Улсын хилээр орж ирэхээр болжээ.  

Ажлын хэсэгт багтсан Уул уурхай, хүнд үйлдвэрийн яамны Газрын тосны бодлогын газрын дарга Б.Анхбаяр хэвлэлд өгсөн ярилцлагадаа "Энэ амралтын өдөр Ангарскийн нефтийн үйлдвэрээс 1500 тонн шатахууныг Монгол Улс руу гаргана. Татан авалт маш хурдан хийгдлээ гэхэд 2-3 хоног болдог. Хагас сайн өдөр гарлаа гэхэд цаад тал нь мягмар гарагт Монгол Улсад ирнэ гэж тооцож болно" гэжээ.

Орж ирсэн шатахууныг хэрэглэгчдэд хүргэхэд мөн тодорхой хугацаа шаардлагатай.