Солонгосын нэрт жүжигчин Ха Жун Ү (Ha Jung-woo) болон жүжигчин Ча Жун Вон (Cha Jung-won) нарын хуримын талаарх мэдээлэл олон улсын хэвлэлүүдээр цацагдаж, олны анхаарлыг татаж байна. Зарим мэдээллийн хэрэгслүүд тэднийг энэ оны долоодугаар сард хуримаа хийхээр төлөвлөсөн хэмээн бичсэн ч хоёр талын агентлагууд уг мэдээллийг албан ёсоор батлаагүй байна.

Олон улсын Soompi, Moneycontrol зэрэг эх сурвалжийн мэдээлснээр, хосуудын харилцаа албан ёсоор батлагдсан боловч хуримын тов, тодорхой төлөвлөгөө одоогоор шийдэгдээгүй байгаа аж. Ха Жун Ү хэвлэлд өгсөн хариу тайлбартаа “Хэрэв гэрлэхээр болбол дулаан улиралд хийх талаар бодож байсан ч одоогоор шийдвэр гараагүй” хэмээн мэдэгдсэн байна.

Хосууд 2020 оноос эхлэн үерхэж байгаа гэх мэдээлэл өмнө нь гарч байсан бөгөөд энэ удаад агентлагууд нь тэднийг болзож буйг баталсан нь анхаарал татаж байгаа юм. Ха Жун Ү 47 настай, Ча Жун Вон 36 настай бөгөөд уран бүтээлийн ид үедээ яваа жүжигчид юм.