Дорнодын Баянтүмэн, Баяндун, Хэнтий аймгийн Баян-Овоо, Архангайн Хайрхан суманд өчигдөр буюу дөрөвдүгээр сарын 16-нд гарсан ой, хээрийн түймрийг бүрэн унтрааж аюулгүй болгожээ.

Дээрх түймрүүдэд урьдчилсан байдлаар 9,102 га талбай өртөж, шатсан байна.

Ойрын өдрүүдэд ихэнх нутгаар дулаарч, хаврын хуурайшилттай өдрүүд үргэлжлэх тул иргэд ой, хээрт явахдаа галын аюулгүй байдлыг сайтар хангаж, ил задгай гал түлэхгүй байхыг Онцгой байдлын байгууллагаас анхаарууллаа.

2024 он гарсаар улсын хэмжээнд нийт 25 ой хээрийн түймэр гарчээ.