Энэ оны 09 дүгээр сарын 13-ны өдөр Сүхбаатар дүүрэгт “Хүүхэд автомашинд дайруулсан” гэх дуудлага, мэдээлэл бүртгэгдсэн. Шалгалтаар “Тоёота Приус” маркийн автомашины жолооч нь согтууруулах ундаа хэрэглэсэн үедээ тээврийн хэрэгсэл жолоодон 11 настай хүүхдийг мөргөж, гэмтээсэн нөхцөл байдал тогтоогдсон байна. Хэргийг Тээврийн цагдаагийн албаны Мөрдөн шалгах хэлтэст шалгаж байна. Жолооч та согтууруулах ундаа хэрэглэсэн үедээ тээврийн хэрэгсэл жолоодохгүй байж, өөрийн болон бусдын аюулгүй байдлыг хангана уу.