Хүн төрөлхтөн ямар нэгэн тэмдэглэлт баяр ёслол бодож олохдоо гарамгай. Тэр ч утгаараа жилийн 365 хоногийн дурын нэгийг сонгож авлаа ч ямар нэгэн баяр заавал таарна. Тэр бүү хэл хоногийн 24 цагт нэг биш, нэлээд хэдэн баярыг ч тэмдэглэн өнгөрүүлэх боломжтой. Энэ талаар жаахан судлахад л хүн бүр онцгой, улс бүр өөрийн гэсэн түүхтэй гэдгийг мэдрэх шиг болдог.  Жишээ нь, өнөөдөр, зургадугаар сарын 3-нд гэхэд Черногорт Тусгаар тогтнолын, Намибид Зэвсэгт хүчний, АНУ-д Өндөгний өдөр тохиож байна. 

Chig.mn цахим сонины хамт олон бид уншигч та бүхэндээ өдөр бүр тухайн өдрийн баяр, тэмдэглэлт өдрүүдийг танилцуулахын хамт бидэнд онцгой сонин санагдах нэгийг нь онцлон танилцуулж байгаа. Дэргэрэнгүй танилцуулах баяраараа өнөөдөр АНУ-д тэмдэглэдэг “Дахилтын өдөр” хэмээх баярыг сонгож авлаа.

Хошин, хөгжилтэй маягийн баяр юм. Энэ өдөр та ярих, үйлдэх гээд бүх л юмыг дахиж хийх ёстой. Найзууд руугаа хоёр удаа утсаар ярих, хоёр удаа хоолонд орох гэх мэт. Гэхдээ нөгөө талаар бас юм ойлгуулдаг баяр гэж хэлж болно. Бүх юмыг хоёр дахиж хийх ёстой учир дургүй, хоёр дахин хиймээргүй зүйлсийг огт хийхгүй байх нь дээр шүү дээ. Жишээ нь, гэмт үйлдэл, муу зуршил гэх мэт. Тиймээс өдрийг эхлүүлэхээсээ өмнө сайн бодож төлөвлөх, муу зүйлээс хол байх хэрэгтэй юм. Энэ нь хүн сайн тал руугаа өөрчлөгдөж байгаагийн шинж мөн билээ.    

-Дэлхийн унадаг дугуйн өдөр (World Bicycle Day)

-Шүхэрний “төрсөн” өдөр

-“Хайр бүхнийг ялдаг” өдөр (Love Conquers All Day)

-Цасыг дурсах өдөр

-Хортон шавьжаас хамгаалах мэдлэг олгох өдөр (Insect Repellent Awareness Day)

-Хөлийн улны гажгаас сэргийлэх дэлхийн өдөр (World Clubfoot Day)

-Нэрмэл архины өдөр, АНУ (National Moonshine Day)

-Хатан хаан Сутхидын төрсөн өдөр, Тайланд

-Гэмт хэргийн хохирогч болж амиа алдсан хүмүүсийн дурсгалыг хүндэтгэх өдөр, Уганда