Хавар, зуны улиралд хоол, хурьцлыг багасгаарай. Учир нь хавраас зуны дунд сар хүртэл аажмаар хүний биеийн галын илч багасаад, бодисын солилцооны эрч буурна. Энэ саруудад хоолны хэмжээг ихдүүлэх, хүнд хоол идэхэд буурч доройтсон галын илчээр шингээж дийлэхгүй. Үүний улмаас бадган сальс ихсэх, эс шингэх тэргүүтэй ходоод, хоол боловсруулах эрхтнүүд өвчилнө. Хүний биеийн цус, мах булчин, өөх тослог, яс, чөмөг, дуслын төлжилт буурах учраас энэ саруудад хурьцлын үйлийг багасгана. Хэрэв хурьцлын үйлийг хэтрүүлвэл дуслын шим, цаашлаад чөмөгний, ясны шим гэх мэт долоон тамирын шим барагдана, хий хямарна, ялангуяа 35-аас дээш насанд хөгшрөлтийн явцыг түргэсгэнэ. Улирал, бие махбодын харилцан нөлөөлөлтэй уялдуулан хаврын эхний хоёр сар, намрын саруудад хурьцлын үйлийг хоёр хоног өнжөөд 1 удаа үйлдэнэ. 45-аас дээш насанд үүнээс бага байвал сайн. Хаврын сүүл сар, зуны эхэн, дунд саруудад бодисын солилцооны эрч туйлдаа хүртэл доройтдог учир хурьцлыг хагас сард 1 удаа үйлдэнэ. 45-аас дээш насанд үйлдэхгүй байвал бүр сайн. Ийнхүү улирлын мөн чанар, бие махбодын харилцан нөлөөлөлтэй уялдуулан хурьцлын үйлийг дээрх мэтээр үйлдэх нь эрүүл мэндийн чухал ач холбогдолтой. Ялангуяа уруу арилгагч хийн гэмээр үүсдэг бөөр, давсаг, түрүү булчирхай, умайн өвчлөлөөс урдчилан сэргийлнэ. Дуслын шимийг барж алдалгүй залуу, эрч хүчтэй байхад чухал нөлөөтэй.

Манба Дацан Бодь Сэтгэлтэн УАУ-ы нэгдсэн эмнэлгийн зөвлөх, гавьяат эмч Г.Одонцэцэг