Дэлхийн хамгийн чинээлэг хүн, тэрбумтан Илон Маск ирэх жил АНУ-ын хүүхэд бүрт “SpaceX” сансар судлалын компанийнхаа ширхэг хувьцааг бэлэглэхээр төлөвлөж байгаагаа зарлалаа.

Тэрбээр энэ тухай өөрийн албан ёсны X хуудсаараа дамжуулан “Дараа жил би Америкийн хүүхэд бүрт „SpaceX“-ийнхоо нэг ширхэг хувьцааг бэлэглэх болно. Энэ бол олон алхамын эхнийх нь байх болно” гэжээ.

Энэхүү мэдэгдэл нь хиймэл оюун ухааны Anthropic компани хувьцааныхаа 5 хувийг олон нийтийн сайн сайхны төлөө сан руу шилжүүлэхээ зарласны дараа гарсан нь олны анхаарлыг ихээхэн татаад байна.

Одоогийн байдлаар АНУ-д 18 хүртэлх насны 72 сая орчим хүүхэд амьдардаг байна. “SpaceX” компанийн нэг хувьцааны ханш ойролцоогоор 146 ам.доллар орчим байгаа бөгөөд энэ нь нийтдээ 10.5 тэрбум ам.доллар-ын хөрөнгө оруулалт болохоор тооцогдож байна.