Холимог тулааны UFC холбоо Хабиб Нурмагомедовыг "Алдрын танхим"-даа залжээ. Танхимд холбооны түүхэнд гарамгай амжилт гарган гавьяа байгуулсан тамирчин, зүтгэлтнүүдийг залдаг юм. "Бүргэд "Алдрын танхим"-д газардлаа. 2022 оны анхны хүндэтгэлийн эзэн болсон түүнд баяр хүргэе" гэж UFC албан ёсны твиттер хуудастаа бичсэн байна. Хабиб замналынхаа сүүлийн тулааныг 2020 онд Жастин Гейжитэй хийгээд зодог тайлсан билээ.