Өмнөговь аймгийн Даланзадгад сумын Их-Уул багт суудлын автомашинууд мөргөлдөж нэг хүн хавчуулагджээ. Энэ тухай дуудлага есдүгээр сарын 29-ний 08:01 цагт холбогдох байгууллагад иржээ.

Дуудлагын дагуу аймгийн Онцгой байдлын газрын 21 дүгээр ангийн алба хаагчдыг очиход  “Кровн” загварын суудлын автомашин, “Портер” загварын бага оврын ачааны автомашинтай мөргөлдөж иргэн М (37 настай, эрэгтэй) автомашины төмөр хийцэд хөлөө хавчуулсан байжээ. Албан хаагчид эсэн мэнд гаргаж Бүсийн оношлогоо эмчилгээний төвд шилжүүлэн өгсөн байна.