Япон улсын төрийн болон орон нутгийн байгууллагууд ажлын цагийн уян хатан байдлыг нэмэгдүүлэх, ажилтнуудын амьдрал болон ажлын балансыг хадгалах зорилгоор 4 өдрийн ажлын долоо хоногийг нэвтрүүлж байна.

Токио хотын захиргаанаас 2025 оны 4-р сараас эхлэн төрийн албан хаагчиддаа долоо хоногт дараалсан 3 өдөр амрах сонголтыг албан ёсоор олгохоор шийдвэрлэжээ. Энэхүү тогтолцоо нь цалингийн хэмжээг бууруулахгүйгээр ажиллах боломжийг бүрдүүлж байгаагаараа онцлог юм. Ингэснээр, 

Ажилтнууд нийт сарын ажлын цагаа бууруулахгүй бөгөөд ажиллах 4 өдөртөө цагаа зохицуулан ажиллах тул цалин буурахгүй. Ахмад настнаа сувилах, хүүхэд асрах шаардлагатай ажилтнуудыг ажлаасаа гарахаас сэргийлэх, мөн залуу үеийнхнийг төрийн албанд татах зорилготой бөгөөд Ибараки, Чиба зэрэг хэд хэдэн мужийн захиргаад мөн адил системийг үе шаттайгаар нэвтрүүлж эхлээд байна.

Засгийн газраас "Hatarakikata Kaikaku" буюу Ажиллах хэв маягийн шинэчлэл бодлогын хүрээнд хувийн хэвшлийн компаниудыг ч мөн энэ систем рүү шилжихийг уриалж байгаа юм. Microsoft Japan компани анх 4 өдрийн ажлын долоо хоногийг туршихад ажилтнуудын ажлын бүтээмж 40 хувиар өссөн ба цахилгаан болон цаасны хэрэглээ мэдэгдэхүйц буурсан эерэг үр дүн гарч байжээ.

Энэхүү алхам нь Японы хэт урт цагаар ажилладаг уламжлалт соёлыг өөрчилж, хүн амын бууралт ба ажиллах хүчний хомсдолтой тэмцэх чухал шийдэл болно гэж үзэж байна.