Сүүлийн жилүүдэд залуусын санхүүгийн хандлага огцом өөрчлөгдөж, хуримтлалын талаарх ойлголт нь улам бүр бүдгэрч байгааг олон улсын судалгаанууд харуулах болжээ. 

OECD-ийн 15 настай өсвөр насныхны дунд хийсэн судалгаагаар:

• Судалгаанд оролцогчдын 18 хувь нь санхүүгийн суурь ойлголтгүй,

• 36 хувь нь банкны тайлан унших чадваргүй гэж гарчээ.

Мөн АНУ-ын Fidelity Investments байгууллагын 2024 оны тайлангаас үзэхэд, 18–35 насны залуусын дийлэнх нь түр хугацааны зорилтыг илүүд үзэж, урт хугацааны хуримтлал хийхээс илүүтэй:

• Өрөө дарах,

• Өдөр тутмын хэрэгцээндээ мөнгөө зориулахыг чухалчилдаг байна.

Судалгаанд оролцсон залуусын талаас илүү хувь нь санхүүгийн стресс-тэй гэж мэдүүлсэн нь санхүүгээ зохистой удирдах чадвар дутмаг байгааг илтгэжээ.

Түүнчлэн “Z үеийнхэн” буюу 1995 оноос хойш төрсөн залуусын дунд хуримтлал бол “хэтэрхий удаан, амьдралд шууд үр дүн өгөхгүй зүйл” гэсэн ойлголт давамгайлж, зарим нь бүр хуримтлалгүйгээр “амьдралаас кайф авах”-ыг чухалчилж эхэлсэн байна.