Олон улсын хөлбөмбөгийн холбоо буюу ФИФА ОХУ-ын багуудад хүчин зүтгэж буй гадны тоглогчдод тус улсыг орхиж гарахыг зөвлөжээ. Өөр багт очих боломжийг нь олгох үүднээс солилцоо наймааны “цонх” ч гаргаж өгсөн байна. Тоглогчдын гэрээ шууд цуцлагдахгүй, зургадугаар сарын 30 хүртэл хүчинтэй ч “царцсан” байдалтай байх гэнэ. Үлдэж тоглоно гэвэл болно. ОХУ-ын багаас салсан тоглогчдыг элсүүлэх боломжийг бусад улсын багуудад гаргаж өгсөн бөгөөд ингэхдээ нэг баг хоёроос илүүгүй тоглогчийг авахаар зохицуулжээ. Солилцоо наймааны цонх дөрөвдүгээр сарын 8-нд дуусах юм байна.    

Одоогоор ОХУ-ын хөлбөмбөгийн Премьер лигт энэ улирлыг дуусгаад гэрээ нь дуусах 16 тоглогч байна. Тэдгээр тоглогчид бол:

«Краснодар»: Реми Кабелла.

ЦСКА: Хердюр Магнуссон.

«Уфа»: Жемал Табидзе, Тиагу Родригеш и Боян Йокич.

«Ахмат»: Бернард Бериша, Мохамед Конате, Зоран Нижич.

«Локомотив»: Мачей Рыбус.

«Урал»: Рафал Аугустыняк, Даниел Мишкич, Доминик Динга.

«Арсенал Тула»: Горан Чаушич и Георги Костадинов

«Нижний Новгород»: Сильвестр Игбоун

«Сочи»: Ивелин Попов нар юм.