ОХУ-ын уран гулгагч, дэлхийн аварга, олимпын мөнгөн медальт Евгения Медведева саяхан эрчүүдийн “Максим” сэтгүүлд нүцгэн зургаа авахуулсан билээ. Хойд хөршийн спортс.ру цахим хуудас түүнээс энэ талаар ганц хоёр асуулт асуун хариулт авсныг хүргэж байна.

-Зургаа хараад юу гэж бодсон бэ?

-Эхлээд санаа зовсон ч дараа нь тэмцээн уралдааны үед хүмүүс миний өгзгийг богино өмдний цаана байгаагаар бишгүйдээ нэг хардгийг санаад тайвширсан.

Ер нь бол би усны хувцастай зураг авахуулаад байх төрлийн хүн биш л дээ. Хэвлэл мэдээлэлд нүцгэлэхийг эсэргүүцдэг үе ч байлаа. Дараа нь харин өөрийгөө эмэгтэй хүн гэдэг талаас нь харж, ядаж мөрөө ил гаргахыг зөвшөөрөх болсон.

-Та ер нь өөртөө таалагддаг уу?

-19-өөс 21 нас хүртлээ өөртөө огт таалагддагүй байлаа. Инстаграмаас охидын зураг үзээд биеийн галбир, үс, хөлний хэлбэр, бэлхүүс гээд л байгаа бүгдээ голдог байв. Одоо харин энэ үе шат ард үлдсэн. Одоо өөртөө хөрөнгө оруулалт хийж, өөртөө таалагдаж эхэлж байгаа. Үсний тайралтаа өөрчилж, арьс арчилгандаа анхаарч байна.    

-Сэтгүүлд зураг авахуулснаар өөрийгөө үнэлэх үнэлэмжээ нэмж чадсан уу?

-Маргаангүй тийм. Тачаангуй байдлаа илэрхийлэх том алхам болсон гэж бодож байгаа. Хүмүүс намайг маш уламжлалт үзэлтэй хүн гэдгийг ойлгосон байх. Нөгөө талаас нь харвал би одоо 18, 19-тэй биш шүү дээ.