Дэлхий дээр бүртгэгдсэн 23 тас шувууны зүйлээс гурав нь Монгол оронд байдаг. Тас шувууд бол экосистемийн гайхалтай цэвэрлэгчид юм. Тэд жилд дунджаар 200 гаруй мянган километр замыг туулж Монгол орны уудам тал хээр, говь цөл, уулсын дээгүүр нисдэг. 

Ингэж нисэхдээ: 

• Амьтдын сэг зэмийг цэвэрлэж,
• Халдварт өвчин тархахаас сэргийлж,
• Экосистемийн тэнцвэрийг хадгалж
• Бидний амьдарч буй орчныг эрүүл, тогтвортой байлгахад чухал үүрэг гүйцэтгэдэг.

Нөмрөг тас нь шигүү ой тайгаас бусад бүх нутагт, том болон дундаж хэмжээтэй зэрлэг амьтад болон 5 хошуу мал элбэгтэй газраар амьдардаг. Уулын хад цохио, тал хээрт ургасан мод, ойт хээрийн шилмүүст модонд үүрээ засна. Зөвхөн сэг зэмээр хооллодог. Хоёр гол аюул нь хүнээс үүдэлтэй шууд үхэл, хоол хүнсний хомсдол юм.

Монголд буудуулах, хордох явдал нэмэгдэж байгаа бөгөөд, Хятадад өдийг нь авахын тулд бууддаг. Энэтхэгт хэд хэдэн Хажир тасыг бараг устгахад хүргэсэн Диклофенакийг мал эмнэлгийн зорилгоор хэрэглэж байгаа нь мөн сөрөг нөлөөтэй.