Говийн аймгийн нийт нутгаар 01 дүгээр сарын 09-ний өдөр буюу Баасан гарагт цас орж, явган шуурга шуурах ба салхи секундэд 10-12 метр хүрч ширүүснэ. Улмаар Бямба гарагт хүйтний эрч чангарч, шөнөдөө -19-24, өдөртөө -15-20 градус хүйтэн байхыг Ус, цаг уур, орчны шинжилгээний төвөөс мэдээллээ.

Иймд шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх, малын бэлчээрлэлтэд анхаарах;

Цасан шуурганы үеэр авто замд халтиргаа гулгаа үүсч, үзэгдэх орчин түр хугацаагаар хязгаарлагдах хүндрэлүүд үүсдэг тул ажил төрлөө зөв зохицуулах, хол, ойрын замд гарахдаа тээврийн хэрэгслийн найдвартай байдлыг хангах;

Шаардлагагүй тохиолдолд хол замд гарахгүй байхыг анхаарна уу