Ойрын өдрүүдэд нийт нутгаар хүйтний эрч чангарах болно гэсэн мэдээллийг өнгөрсөн 10 хоногийн туршид түгээж анхааруулсан.
Харин ирэх 12-р сард хүйтний эрч чанга хэвээр байх уу, эсвэл жаахан сулрах уу гэдгийг нийт иргэд мэдэхийг хүсч, хүлээж байгаа нь тодорхой юм.
Бүс нутаг тус бүрийн ирэх 12-р сарын урьдчилсан мэдээллийг тусгайлан оруулах болно.
Одоогоор зөвхөн төвийн бүс нутаг, Улаанбаатар хот орчимд 12-р сард цаг агаар ямархуу байх вэ гэсэн урьдчилсан тойм мэдээллийг танилцуулья. 
Хүйтний эрч огцом чангарсны дараа 12-р сарын 5-8-ны өдрүүдэд хүйтний эрч бага зэрэг суларна.
12-р сарын 9-12-ны өдрүүдэд хүйтний эрч бага зэрэг нэмэгдэж өдөртөө -14-16 градус, шөнөдөө -20-24 градуст хүрч хүйтрэх бололтой.
12-р сарын 13-23-ны өдрүүдэд хүйтний эрч дахин сулрах бол 24-27-ны өдрүүдэд хүйтний эрч бага зэрэг чангарна.
Бүхэлд нь дүгнэж үзвэл ойрын 3-4 хоногийн огцом хүйтрэлтийн дараа 12-р сарын агаарын дундаж температур олон жилийн дунджийн хэмжээнд, хэвийн түвшинд байх бололтой.
Цасны хувьд 12-р сарын 10-11, 22-23-ны өдрүүдэд бага зэргийн цас орох төлөвтэй байна.

Эх сурвалж: Намжилдорж Энхбаяр