Цаг агаар сонирхон судлаач, эдийн засагч Н.Энхбаярын ойрын өдрүүдийн тойм мэдээллийг нийтэллээ. Тэрбээр "Хэдийгээр энэ өдрүүдэд нийт нутгаар хүйтэрч байгаа боловч Мягмар, Лхагва гаригт ихэнх нутгаар хүйтний эрч суларна. 11-р сарын 21-ний өдөр буюу Баасан гаригт могой жилийн өвлийн эхэн улаагчин гахай сарын шинийн нэгний хөх морь өдөр тохиох болно. Шинийн 3 ба 4-ний өдрүүдэд Арвайхээр, Мандалговь, Говьсүмбэрээс урагш орших говийн бүс нутгаар дулаарч өдөртөө +2+4 градус, Өмнөговь аймгийн Ноён, Гурвантэс, Манлай, Ханбогд, Баян-Овоо сум, Дорноговь аймгийн Мандах, Хатанбулаг, Хөвсгөл, Баянхонгор аймгийн Баян-Өндөр, Баянговь зэрэг сумдын нутгаар өдөртөө +4+8 хүртэл градуст хүрч дулаарч болзошгүй байна.