Монголын анхны тусгай зөвшөөрөлтэй спорт бооцооны ScoreBet платформ нь Үндэсний их баяр наадмын Хүчит бөхийн барилдаан болон Хурдан морины уралдааны бооцоот тааврыг тусгай зөвшөөрөлтэйгөөр зохион байгуулж байна. Энэ хүрээнд Монгол үндэсний бөхийн улсын ахлах тайлбарлагч С.Гантөртэй ярилцсан ярилцлагыг хүргэж байна.

- Өмнө нь баяр наадмын Үндэсний бөхийн барилдаантай холбоотой албан ёсны таавар зохион байгуулагдаж байсан уу?

2000-д оны эхэн үед монголд сонин хэвлэл тэр дундаа шар мэдээ их хүчтэй байлаа. Тэр үед хэвлэлүүдээс бөхийн тааврын уралдаан явуулдаг байсан санагдаж байна. Би хүртэл оролцоод л явж байлаа.

- Түрүү үзүүр, Шөвгийн дөрвөн бөхөө бичээд шуудангаар явуулдаг байсан шүү дээ? Харин орчин цагт зохион байгуулагдаж байгаа бөхийн таавар цахим хэлбэрээр явагдаж байгаа.

Тиймээ, Сонины буланд байдаг тааврын хэсгийг бөх сонирхогчид бөглөөд хаяг байршлаа бичээд явуулдаг байлаа шүү дээ. Мэдээ хариу нь олон хоногийн дараа гарна. Одоо цагт техник технологи хөгжөөд, тааварт оролцоход бүүр л хялбар болсон байгаа нь сайшаалтай. Таавраа олон хувилбараар дэвшүүлж, бас бага гэлтгүй мөнгөн урамшууллаа ч ил тод хараад, авчих боломжтой, сайхан болжээ.

- Хүмүүс тус бүрийн таавраа хэдийн дэвшүүлээд эхэлсэн. Бүр тодруулбал: Үзүүр, Түрүү, Шөвгийн найман бөхөө тааварлах нь таны бодлоор боломжтой юу?

Хүн бүр наадмын уур амьсгал орсон эдгээр өдрүүдэд өөрийн дэмждэг бөхөө цолд хүрээсэй, сайн барилдаасай гэж дор бүрнээ хүсэж байгаа. Үүнийгээ дагаад ард түмэн маань таамаг дэвшүүлж, өөр хоорондоо хэлэлцээд эхэлсэн шүү дээ. Тэгэхээр үүнийг яагаад бооцоотой, албан ёсны болгож болохгүй гэж. Миний ойлгосноор нэлээн боломжтой хувилбаруудтай харагдсан. Гурав, дөрвөн төрлийн сонголттой. Зөвхөн түрүү, үзүүр нь хэн бэ? Шөвгийн дөрвөн бөх хэн бэ? гэхээс илүү бусад сайн барилдаж байгаа бөхчүүдийг хэд давах вэ? гэдгийг тааварлах нь тун сонирхолтой санагдаад байна.

- Бас нэг онцлох зүйл нь наадмын барилдааны үеэр тунасан бөхчүүд дээр шууд бооцоо тавих гэж байна. Энэ нь танд ямар санагдаж байна?

Энэ үнэхээр сайхан санаа. Ер нь тунаж байгаа бөхийг янз бүрээр л ярьдаг шүү дээ. Жишээ нь: Тунана гэдэг бол тун сайжирсан шинж гээд л. Яг албан ёсоор гурвын давааны сүүл ч юм уу, тавын давааны сүүлд тунаад үлдэж байгаа хоёр бөхийг хэлээд байгаа болохоос тунасантай ялгаагүй ам авсан тохиолдол байдаг. Гурав эсвэл таван бөхөөс ам авна гэдэг халгамаар байдаг шүү дээ. Зарим залуу бөхчүүд ярихдаа: Бараг ам авч байхаар тунавал харгүй байдаг гэж ярьдаг. Тэгэхээр тунана гэдэг бол сайн байгаагийн шинж. Тэнцүүхэн хоёр бөх үлдээд тунаж барилдана гэдэг үзэгч олны хамгийн их сонирхлыг татдаг хэсэг юм.