Дуучин Эминемийн өргөмөл охин Алена Скотт удахгүй анхны хүүхдээ өлгийдөх гэж байна. Мэтт Моэллертэй гэрлэсэн 32 настай Алена инстаграмдаа "Baby Moeller - Coming 2026" гэж бичсэн цамцтай зургаа нийтэлж, сайхан мэдээгээ дуулгажээ.

Эминем буюу Маршалл Мэтерс 2000-аад оны эхээр Аленаг өргөж авсан бөгөөд тэрбээр хуучин эхнэр Кимийн эгч Даун Скоттын охин юм. Өнгөрсөн жил Алена, Мэтт нарын гэрлэх ёслолд Эминем охиноо гэрлэлтийн индэр хүртэл хөтлөн алхсан билээ.

Аленагийн эгч Хэйли Жэйд ч мөн баяр хөөрөө илэрхийлж, "Хайрт дүү болон нөхөрийнх нь өмнөөс үнэхээр их баярлаж байна. Миний бяцхан Эллиот үеэлтэйгээ уулзахыг тэсэн ядан хүлээж байна" хэмээн бичжээ.

Саяхан Хэйли хүү Эллиот Маршалаа төрүүлж, алдарт рэппэр анх удаа өвөө болсон юм.