УИХ-ын гишүүн П.Сайнзоригт УИХ-ын гишүүн Б.Заяабал гар хүрлээ. X платформ буюу хуучнаар Твиттер дээр Khosoo_s гэсэн хаягтай иргэн “Сайнзориг гишүүнээ таныг сая Чингис хаан танхимд Заяабал гишүүн барьж аваад гар хүрсэн гэсэн үнэн үү” гэсэн постод П.Сайнзориг гишүүн “тийм” гэж хариулсан байна. Тодруулбал, АМНАТ-ын асуудлаар гишүүд маргалдаж Б.Заяабал П.Сайнзоригийг мөргөж, цохижээ.

Энэ талаар УИХ-ын гишүүн Д.Сайнзориг "Миний биед хүч хэрэглэж, халдсан нь үнэн. Хууль бус хурал болон АМНАТ-ын асуудлаар маргаан үүсэхэд уурлаж, хүрч ирээд толгой мөргөсөн" гэж сэтгүүлчдэд хэлсэн байна. МАН-ын даргын сонгуулиас үүдсэн “улс төрийн зодоон” жинхэнэ зодоонд хүргэсэн бололтой.