Их Британийн Шеффилд хотод сонирхогчдын боксын Дэлхийн цомын энэ оны отгон тэмцээн болж,манай тамирчид гурван медаль хүртлээ.

Тодруулбал, Үндэсний шигшээ багийн ахлах дасгалжуулагч Д.Отгондалай, О.Батхүү нарын удирдлаган дор эрэгтэй тав,эмэгтэй дөрвөн тамирчин өрсөлдөхөд алт,мөнгө,хүрэл медаль тус бүр нэгийг зүүсэн байна.Эрэгтэйчүүдийн 51кг-ын жинд олон улсын хэмжээний мастер А,Баттулга алтан медалиар энгэрээ мялааж, төрийн дууллаа эгшиглүүлсэн бол Т.Энхтөр хүрэл медаль хүртэв.Эмэгтэйчүүдээс 54кг-д ААШТ-ий хүрэл, Азийн наадмийн хүрэл медальт О.Есүгэн мөнгөн медаль хүртсэн байна.