Өөрийн хаалганд оруулсан гоолын тоогоор Евро 2020 аль хэдийнэ дээд амжилттэй зэрэгцжээ. Тэмцээний дөнгөж нэгдүгээр тойргийн дараа гэхэд л 2016 онд бүхэл тэмцээний турш орсонтой тэнцэхүйц олон автогоол ороод байна.

Туркийн хамгаалагч Демираль Италитай тоглох үедээ өөрийн хаалганд гоолдсон бол дараа нь Словакийн Роберт Макийн цохисон бөмбөг шонгоос Польшийн хаалгач Щесныйгийн толгойд ойгоод гоол орчихсон.

Хамгийн сүүлд өнгөрсөн шөнө Германы хамгаалагч Матс Хуммельс өөрийн хаалгандаа гоол орууллаа.  Энэ тэмцээнээс өмнө ЕАШ шигшээ тэмцээнүүдэд ердөө есөн удаа автогоол орж байв. Тэдгээр гоолыг зурагт харуулсан байгаа.   

ЕАШ шигшээ тэмцээний үеэр орсон бүх автогоолууд. 

Энэ тэмцээнд орсон автогоолууд бүгд өөрийн онцлогтой бөгөөд дээд амжилт тогтоосон, содон түүх бий болгосон онцлогтой байв. Жишээ нь, гурван автогоол орсон нь дээд амжилт, гурвуулаа нэгдүгээр тойрогт орсон нь дээд бөгөөд содон амжилт, Войцех Щесный өөрийн хаалганд гоол оруулсан нь хаалгач өөрийн хаалганд гоолдсон анхны тохиолдол байв. Түүнчлэн:   

-Матс Хуммельсын гоол тоглолтын эцсийн үр дүн болсон хоёр дахь тохиолдол /Евро 2016-д Умард Ирландын Гарет Маколи өөрийн хаалганд гоол оруулж Уэльсийг хожуулж байжээ/ болсон бол Матс ЕАШТ-ий шигшээ тэмцээнд өөрийн хаалганд гоолдсон анхны герман тоглогч болсон.   

-Францын шигшээ баг энэ удиралд өрсөлдөгчөөсөө ийм бэлэг хамгийн их авсан баг болоод байна. Германтай тоглохоос өмнө Үндэстнүүдийн цом тэмцээнд Хорваттай тоглоход Доминик Ливакович, Украины Виталий Миколенко, “ДАШТ 2022”-ын сорилгоор Казахстаны Сергей Малый нар өөрийн хаалганд гоол оруулжээ.