Германы нийслэл Берлин хотод зохион байгуулагдсан ЛГБТ+ нийгэмлэгийн “Pride” парадын үеэр иргэд рүү машинтай халдсан сэжигтнийг цагдаагийн алба хаагчид буудаж хөнөөсөн талаар албаны эх сурвалжууд мэдээллээ.

Берлиний Тиергартен цэцэрлэгт хүрээлэнгийн ойролцоо микро автобусаар иргэдийг дайрч, хүйтэн зэвсгээр халдсаны улмаас 1 хүн амиа алдаж, 29 хүн гэмтэж бэртжээ.

Цагдаа нар сэжигтнийг Ливан гаралтай, Германы иргэншилтэй 21 настай Абдул Баллоут хэмээн тогтоосон байна. Тэрээр урд нь Исламын радикаль үзэл сурталд автаж, "Исламын улс"  террорист бүлэгт элсэхээр оролдож байсан тул хууль сахиулагчдын анхааралд байжээ.

Хэргийн газраас зугтсан сэжигтнийг Спандау дүүргээс олж тогтоох үед тэрээр офицерууд руу зэвсэгтэй дайрсан тул тусгай томилолтынхон гал нээж, газар дээр нь хөнөөсөн байна.

Германы Дотоод хэргийн сайд болон прокурорын байгууллагаас уг хэргийг исламын шашны экстремист сэдэлтэй террорист халдлага хэмээн үзэж, мөрдөн шалгах ажиллагааг үргэлжлүүлж байна.