Бөхийн чөлөөт болон сонгомол барилдааны Ази тивийн аварга шалгаруулах тэмцээн Киргизстаны Бишкек хотноо болж буй. Тус тэмцээнд манай улсаас чөлөөт болон сонгомлын төрөлд эрэгтэй, эмэгтэй 26 тамирчин зодоглож байгаа. Тэгвэл өчигдөр /2024.04.11/ 65 кг-ын жинд барилдсан МУГТ Т.Тулга, 79кг-ийн жинд барилдсан ОУХМ Э.Бямбадорж нар мөнгөн медаль хүртлээ. Тодруулбал, 

МУГТ Т.Тулгын хувьд Ираны алдарт бөх, дэлхийн иж бүрэн медальт Рахман Амузад Халилтай барилдаж 2:1-ээр ялагдаж, Азийн хошой мөнгөн медальтан болсон бол ОУХМ Э.Бямбадорж дэлхийн мөнгө, хүрэлтэй Ираны Мохаммед Ашгертай барилдаж 12:2- оор ялагдаж, мөнгөн медалийн эзэн болж Ази тивийн анхны медалиа хүртлээ.