"Ханжоу 2022" Азийн наадмын эрэгтэй боксын 63.5 кг жинд аваргын алтан медаль хүртсэн Б.Чинзоригийн А сорьцоос допингийн төрлийн бодис илэрсэн талаар Олон улсын шинжилгээний агентлагаас мэдээлээд буй. Тэгвэл тэрээр энэ талаар дараах мэдээллийг өгөв.

ОУХМ Б.Чинзориг "Энэ сард БНХАУ-д болсон "Ханжоу 2022" Азийн наадмын үеэр миний өгсөн шинжилгээнээс допингийн эсрэг дүрмийн зөрчил илэрсэнтэй холбогдуулан энэхүү бичлэгийг хийж байна. Анх энэ тухай мэдээг сонсоод цочролд орж, хэд хоног сэтгэл санаа хүнд, тогтворгүй байлаа. Миний хамгийн том зорилго бол Парисын олимп. Иймд миний бие дэлхийн Допингийн эсрэг агентлагаас баталсан тамирчны эрхээ хамгаалах дүрмийн дагуу уг хэргийг хянан шийдвэрлэх болон өмгөөлөгч авах хүсэлт тус байгууллагад тавьсан. Тухайлбал олон улсын спортын Арбитрын шүүхэд хандаж байгаа. Надаас болж эрх нь зөрчигдсөн шигшээ багийн тамирчдаасаа уучлалт хүсье. Эцсийн шийдвэр гарсны дараа эргэн мэдээлэх болно" гэв.