Азийн хөл бөмбөгийн холбооны цомын тэмцээний зүүн бүсийн хэсгийн тоглолт манай улсад зохион байгуулагдаж байна. Өчигдөр тус тэмцээний хэсгийн хоёрдох тоглолт монголын хөлбөмбөгийн холбооны талбайд болж, “Тайчун Футуро” клуб бүтэн оноогоо авлаа. 
Дээд лигийн аваргын цомыг 2 дахь удаагаа өргөсөн  “ФС УЛААНБААТАР” клуб нь азийн цомын тэмцээнд оролцож буй монголын 4 дэх баг юм. Тэд өнгөрсөн 9-р сард нутагтаа болсон нээлтийн тоглолтонд Тайванийн “Тайнан Сити” багийг хожсоноор монголын хөлбөмбөгийн спортын түүхэнд шинэ хуудас нээсэн юм. 
Харин өнөөдөр талбайн эзэд хэсгийн хоёдох тоглолтоо “Тайчун Футуро” багийн эсрэг хийлээ. 2 баг тоглолтын эхнээс хүчтэй тэмцэл өрнүүлж, ижил хувьтай бөмбөг эзэмшиж байснаас гадна хаалгаруу чиглэсэн цохилтыг таваас дээш удаа гүйцэтгэжээ. Улмаар тоглолтын 9 болон 79 дэх минутанд  япон легонер тоглогч S.Yokoyama, Hsu heng pin нар гоол оруулснаар хожил зочин багийн талд шийдэгдсэн. Ингэснээр “Тайчун Футуро” клуб хожигдолгүй хэсгээ тэргүүлж эхэлсэн бол “ФС Улаанбаатар” клуб “I” хэсэгт нэг хожил, нэг хожигдолтой дэд байрт бичигдэж байна.  Тэд дараагийн тоглолтоо ирэх 11-р сарын 09-нд Тайваны “Чао Пак Кей” багтай хийх хуваарьтай байна. 
Хөлбөмбөг сонирхогч үнэнч хөгжөөн дэмжигч та бүхэн монголын хөлбөмбөгийн спортын түүхэнд шинэ хуудас нээж буй онцгой үйл явдлын гэрч болж, нутгийн талбайд өрнөх сүүлийн тоглолтоо ирж үзээрэй. Багийн 12 дахь гишүүн болсон таны дэмжлэг “ФС Улаанбаатар” клубын амжилтанд нөлөөлж, бид хөгжлийн дараагийн түвшинд бэлэн гэдгийг олон улсад харуулцгаая.