Архангай аймгийн Булган сумын харьяат, "Бөхбилэгт" дэвжээний ерөнхий дасгалжуулагч, Улсын арслан Р.Пүрэвдагвыг “Ёс зүйн дүрэм”-ийн:

• 3.4.1 дэх хэсэг буюу Монголын ард түмний олон мянган жилийн үнэт өв болсон үндэсний бөхийг хүндэтгэн, бөхийн нэр хүнд, жудаг, ёс зүйг эрхэмлэх,
• 3.4.6 дахь хэсэг буюу Биеэ авч авах байдал, зан төлөв, ёс суртахуун, харьцаа, хандлагаараа спортын тамирчны нэр хүндийг өндөрт байлгахыг ямагт хичээх; заалтуудыг тус тус зөрчиж, ёс зүйн зөрчил гаргасанд тооцов.
• Р.Пүрэвдагвыг “Ёс зүйн дүрэм”-ийн 7-р зүйлийн 7.1.5-д заасны дагуу барилдах эрхийг 5 сараар хасах шийтгэлийг оногдуулахаар тогтоов. 

Өмнөговь аймгийн Манлай сумын харьяат, БНМАУ-ын хурц арслан Г.Дэмүүлийн нэрэмжит Үндэсний их баяр наадмын сорилго Улс, аймаг, цэргийн цолтой болон залуу 224 бөхийн барилдааны 6-гийн даваанд Улсын арслан Р.Пүрэвдагва, Улсын начин Б.Сосорбарамтай барилдаж, өвдөг шороодохдоо давсан бөхөө ёворч авсан үйлдэл юм. 

Тэгвэл арслан Р.Пүрэвдагва "Удаа дараалан ёс бус үйлдэл гаргасан учраас МҮБХ барилдах эрхийг минь хязгаарласан байна. Өөрийгөө өмөөрөхгүй. Болчимгүй зүйл хийсэндээ хүлцэл өчиж байна. Наадам дөхсөн энэ үед гаргасан шийдвэрээ эргэн харж наадмаар барилдах боломж олгохыг хүсэж байна" хэмээв.