Хакүхо М.Даваажаргалын нэрэмжит “Хакүхо кап” олон улсын сумо бөхийн тэмцээн маргааш эхэлнэ. Японы Токио, “Тоёота Арена”-д болох 16 дахь удаагийн тэмцээн хоёр өдөр үргэлжилнэ. Энэ удаагийн тэмцээний онцлог нь анх удаа эмэгтэйчүүд болон насанд хүрэгчдийн ангилал нэмэгдсэн явдал бөгөөд зөвхөн Японы бөхчүүд эдгээр ангилалд барилдана.

 Монгол Улсаас, 

• 9 нас: У.Эрдэнэдалай (33 дугаар сургууль)

• 10 нас: Д.Дүүрэнсаран (Баянхонгор аймаг)

• 11 нас: Ц.Хишигбаяр (Баянхонгор аймаг)

• 12 нас: Н.Сүнгэрэл (Хөвсгөл аймаг)

• 13–15 нас: Р.Дэлгэрмөрөн (115 дугаар сургууль, нийслэл)  өсвөрийн таван тамирчин оролцох бөгөөд тус тамирчид дасгалжуулагч Г.Наранбатын удирдлага дор Японыг зорьжээ.

Өсвөрийн ангилалд энэ удаа 20 орчим орны 1000 гаруй бөх оролцохоор мэдүүлэг өгсөн бөгөөд өнгөрсөн жил 15 орны 1000 өсвөрийн сумоч барилдсан билээ.