Мэргэжлийн сүмогийн холбооноос ирэх тэмцээнд секитори буюу цол авч буй бөхчүүдийн нэрсийг зарлахад жүрье зиндаанд орж байгаа гурван бөхийн дунд Дархан аварга Г.Өсөхбаярын хүү Тошинофүжи Ө.Дэмиджамц багтжээ. 
Ө.Дэмиджамц өдгөө 25 настай, 195 см өндөр, 141 кг жинтэй юм.

Исэгахама дэвжээнд харьяалагдаж буй аваргын хүү өнгөрсөн тэмцээнд макүшитагийн барууны № 2-оос барилдаад 5:2 амжилт үзүүлжээ. Хакүхогийн дэвжээнд байхдаа Сэйхакүхо нэрээр барилдаж байсан Точинофүжи 2024 оны тавдугаар сараас мэргэжлийн сүмод барилдаж 2024 оны долдугаар сард жонидан зиндаанд түрүүлсэн билээ.