Монгол Улсын цанын Үндэсний шигшээ багийн тамирчин, Зэвсэгт хүчний 011 дүгээр соёл, спортын төвийн дарга, ОУХМ,  дэслэгч Э.Ариунтунгалаг ирэх 02 дугаар сард Итали Улсын хотуудад болох "Милан Кортина-2026" өвлийн олимпод оролцоно. Өвлийн олимпод оролцох эрхээ шинэ оны өмнө өвөртөлсөн бөгөөд түүнээс гадна Монгол Улсаас гүйлтийн цанын төрөлд ОУХМ Б.Ачбадрах, уулын цанын төрөлд ОУХМ А.Ариунбат нар оролцох болзлоо хангаад байна.  “Милан Кортина-2026” өвлийн олимпын наадамд дэлхийн 90 гаруй орны 3,500 орчим тамирчин спортын 16 төрөлд, 116 багц медалийн төлөө хурд хүч, авхаалж самбаагаа сорин өрсөлдөнө. 
     Дэслэгч Э.Ариунтунгалаг Монгол Улсын цанын спортын шилдгийн шилдэг эмэгтэй тамирчин бөгөөд цэрэгжлийн спорт тэр дундаа "Марш тактик"-ийн уралдааны замын тэргүүлэгч мөрдэст бүсгүйчүүдийн нэг юм.