Монголын дугуйн спортын шилдэг тамирчид  2026 онд олон улсын багт уралдахаар боллоо. Тодруулбал, дугуйн үндэсний шигшээ багийн гурван тамирчин Тайландын “Roojay Cycling” мэргэжлийн багт албан ёсоор уралдахаар боллоо. Залуучуудын дэлхийн аварга, олон улсын хэмжээний мастер Б.Тэгшбаяр 2023 оноос хойш тус багт хүчин зүтгэж байгаа бөгөөд ирэх улиралд дөрөв дэх жилдээ уралдахаар гэрээгээ шинэчилсэн байна. Мөн U23 насны ангиллын Азийн аварга Б.Марал-Эрдэнэ 2026 онд дахин тус багт уралдахаар гэрээгээ сунгалаа. Харин U23 насны Азийн аварга шалгаруулах тэмцээний мөнгөн медальт Х.Тэмүүлэн “Roojay Cycling” багт шинээр нэгдэж, тойрог замын залуучуудын дэлхийн аварга Б.Тэгшбаярын араас залуу дугуйчид Тайландын мэргэжлийн багт багтаж ийн урилга авлаа.