Монголын волейболын залгамж халааг тодорхойлохуйц тамирчин Г.Хандсүрэн Японы дээд лигийн талбайд нэгэн шинэ гэрэл болон гялалзаж байна. Тэрбээр Японы хүчирхэг клуб “Tokyo Sunbeams”-тэй албан ёсоор гэрээ байгуулж, 2025–2026 оны улиралд багийн гарааны бүрэлдэхүүнд багтсан нь түүний хөдөлмөр, хичээл зүтгэлийн үр шим гэлтэй.

Төвийн хамгаалагчийн байрлалдаа хамгаалалтыг удирдан, багийнхаа “зүрх” нь болж тоглож буй Г.Хандсүрэнгийн удирдсан “Tokyo Sunbeams” өчигдрийн тоглолтдоо “Артемус Хоккайдо”-г чадварлаг бут ниргэж, ээлжит ялалтаа байгууллаа. Түүний талбай дээрх хөдөлгөөн, нарийн мэдрэмж нь үзэгчдийг байлдан дагуулсаар байна.

Г.Хандсүрэн нь Netflix-ийн Physical: Asia шоунд Монгол Улсаа төлөөлөн оролцож, багийн уур амьсгал, эв нэгдлийг бүрдүүлэхдээ бусдад үлгэр дуурайл болж чадсан. Харин өнөөдөр Японы дэвжээний нэгэн тод од болон гялалзсаар байна. Түүний хувьд 28 настай, 185 см өндөр, 69 кг жинтэй энэ тамирчин багийнхаа 4 дүгээр дугаарыг хүрээлүүлэн, Монголын нэрийг Японы спортын тайзан дээр хүчтэй цуурайтуулж буй нь бахархам.