Олон улсын жүдо бөхийн холбооноос шинэчлэгдсэн чансааг гаргалаа.

Монголын эмэгтэй жүдочдоос 63 кг-д Б.Ганхайч гуравт, 48 кг-д Г.Наранцэцэг зургаад, Л.Энхрийлэн 20-д, +78 кг-д "Physical Asia" шоуны шилдэг оролцогч А.Адьяасүрэн 23 дугаарт бичигдлээ. Армийн дэлхийн аварга, “Ханжоу-2022” Азийн наадмын хүрэл медальт, Ази тивийн аваргын мөнгө, хүрэл медальт, “Улаанбаатар”, “Баку” их дуулгуудын мөнгөн медальт, “Душанбе” их дуулгын хүрэл медальт, Залуучуудын Ази тивийн аваргын мөнгөн медальт ОУХМ Амарсайханы Адъяасүрэн "Physical Asia" телевизийн шоугаар Монголын жүдо бөхийг олон улсад улам ихээр таниулаад байгаа билээ.