Лос Анжелес хотод 2028 онд болох Олимпын наадмын тэмцээний албан ёсны хуваарь зарлагдлаа. Наадмыг зохион байгуулах LA28 Organising Committee‑гийн мэдээлснээр, нээлт 7 дугаар сарын 14‑ний өдөр, хаалт нь 7 дугаар сарын 30‑ны өдөр болох юм. Хөнгөн атлетикийн өмнөх шатны тэмцээнүүд нь нээлтийн өмнөх өдрүүдэд эхлэх төлөвтэй байгаа аж.

Энэ удаагийн Олимпод нийт 51 спортын төрөл багтсан бөгөөд 49 төрлийн өрсөлдөөн явагдана. Наадмын эхний долоо хоногт хөнгөн атлетик голлох бөгөөд эмэгтэйчүүдийн 100 метрийн финал нээлтийн өдөр явагдах нь онцлог болж байна. Эрэгтэйчүүдийн марафон, бусад уламжлалт спортын тэмцээнүүд хаалтын өдөр хамгийн сүүлд явагдах нь наадмын зохион байгуулалт, уламжлалыг хадгалж байгааг харуулж байна.

Шинэчлэл, уламжлалыг тэнцвэртэй хослуулсан энэ хуваарь нь үзэгчдэд сэргэлэн, хүчтэй эхлэл өгөх зорилготой бөгөөд олон улсын спортын үзэгчдэд таалагдах нь дамжиггүй. Наадмын хуваарь, тэмцээний цаг, талбайг урьдчилан мэдэж, тасалбар, аялал зэргийг төлөвлөх боломжтой болохыг албан эх сурвалж онцолсон.

Харин долоодугаар сарын 29-нд болох “Супер бямба гараг”-ийн тэмцээний хуваарьт 23 спортын 26 финалын тоглолт багтсан бөгөөд үүнд алт болон хүрэл медалийн төлөөх багийн 15 тоглолт, ганцаарчилсөн төрлийн 15 финалын тэмцээн багтжээ. Энэ өдөр хөнгөн атлетик, сагсан бөмбөг, элсний волейбол, бокс, крикет, гольф, хөл бөмбөг, усанд сэлэлт, теннисний аваргууд шалгарна. Харин сүүлчийн алтан медальтнууд хаалтын ёслолын өмнөхөн усанд сэлэлтийн төрлөөс тодорно.

Зохион байгуулагчид марафон гүйлтийн тэмцээнийг наадмын сүүлийн амралтын өдрүүдэд товлосноор эмэгтэйчүүдийн марафоныг долоодугаар сарын 29-нд, эрэгтэйчүүдийн тэмцээнийг долоодугаар сарын 30-нд тус тус явуулахаар болжээ. Олимпын тэмцээн уралдаануудыг үзэхэд зориулан ойролцоогоор 14 сая тасалбар худалдаалах бөгөөд үнийн дэлгэрэнгүй мэдээллийг дараа зарлах боловч динамик буюу хөдөлгөөнт үнэ нэвтрүүлэхгүй гэж Ш.Фергюсон хэлсэн байна.

Түүнчлэн наадам нь Дэлхийн олон орноос ирсэн шилдэг тамирчдын өрсөлдөөнөөр баялаг байх бөгөөд спортын төрөл бүрийн шинэ боломжуудыг харуулах аж. Үүнд: эмэгтэйчүүдийн спортын өрсөлдөөнд илүү анхаарал хандуулах, хосын төрөл, холимог төрөл зэрэг шинэ арга хэмжээг нэвтрүүлэх зэрэг онцлог багтжээ.