Францын нийслэл Парис хотод өчигдөр эхэлсэн жүдо бөхийн мастерс буюу ахмадын дэлхийн аварга шалгаруулах тэмцээнд манай жүдочид амжилттай оролцож байна. 66 орны 2400 гаруй жүдоч өрсөлдөж байгаа тус тэмцээний эхний өдөр Монголын баг таван хүрэл медаль медаль хүртэж, багийн дүнгээр 14 дүгээр байрт жагсаж эхэллээ. 

Эхний өдөр эрэгтэйчүүдийн M1 (30–34 нас) болон M2 (35–39 нас) ангиллын жингүүдийн барилдаан болов. Манай улсаас М1 ангиллын 60 кг-д Б.Сайнтөр, М2 ангиллын 60 кг-д Б.Энхтөр, 66 кг-д П.Амаржаргал, 73 кг-д Д.Алтансүх, 81 кг-д Р.Анхбаатар нар тус бүр хүрэл медаль хүртлээ. Эхний өдөр медальт байранд орсон ахмад бөхчүүдээс Д.Алтансүх дэлхийн хошой медальтан боллоо. Тэрээр 2024 онд мастерс ангиллын ДАШТ-д түрүүлж байсан юм.  

Тэмцээний эхний өдөр Гүрж улсын баг таван алт, хоёр мөнгө, дөрвөн хүрэл медаль хүртсэнээр хүснэгтийг тэргүүлж эхэлсэн бол Бельги, Бразил, Итали, Казахстан, Франц баг удаалж байна. 

Ахмадын дэлхийн дэлхийн аварга шалгаруулах тэмцээн пүрэв гарагт өндөрлөнө.