Монголын волейболын шигшээ багийн тамирчин, ОУХМ Б.Батсуурь Энэтхэгийн дээд лигийн хүчирхэг клубуудын нэг “Ahmedabad Defenders” багт легионероор нэгдээд байгаа билээ.

Тус баг 2018 онд байгуулагдаж, 2022 онд дээд лигт анх оролцсон бөгөөд тэр жилээ хүрэл медаль, 2023 онд алтан медаль хүртэж байв.

Харин дараа жил нь клубүүдийн дэлхийн аваргад хүч үзэн, дэлхийн хэмжээнд VI байр эзэлсэн юм. Энэ жилийн дээд лигт нийт 10 баг цомын төлөө өрсөлдөж байгаа. ОУХМ Б.Батсуурийн баг эхний дөрвөн тоглолтодоо гурав хожиж, нэг хожигдолтойгоор хүснэгтийн гуравдугаар байрт яваа. Манай тамирчин тус тоглолтуудад довтолгоогоор нийт 50 оноо авч, сүүлийн тоглолтод “Шилдэг тоглогч”-оор шалгарсан нь онцлох амжилт болоод байна.