Хорватын Загреб хотод болж буй бөхийн төрлүүдийн дэлхийн аварга шалгаруулах тэмцээнээс Монголын баг нэг мөнгө, гурван хүрэл медаль хүртлээ. ДАШТ-ээс хүрэл медаль хүртсэн МУГТ П.Орхоны сэтгэгдлийг хүргэж байна. 

Тэрбээр, Маш олон жилийн хөдөлмөрийн үр дүн байлаа. Амжилттай бас уналттай жил байлаа. Бие, сэтгэл зүй гээд их олон зүйлийн өөрчлөлтийн дараа авсан медаль болохоор үнэ цэнэтэй ирлээ. Энэ бол ганц миний хүч хөдөлмөр биш юм. Манай холбооны үйл ажиллагаа жигдэрч, бие биенээ ойлгож зөв удирдлагатай болсны үр дүн гарч байна.

Я.Содбаатар ерөнхийлөгч, удирдах зөвлөлийн хамт олондоо маш их баярлалаа. Холбоо зөв удирдлагатай болсны үр дүн гарлаа гэж харж байна. Бүх арын албын ажлыг зохицуулж өгдөг Мянганбаяр дарга, Энхбаяр ах нартаа маш их баярлалаа. Шигшээ багийн багш нартаа талархаж байна. Анх бөхийн эрдэм зааж өгсөн Ц.Хосбаяр, Ц.Цогтбаяр нартаа, мөн Б.Наранбаатар багшдаа баярлалаа. Намайг өдийг хүртэл дэмжиж ирсэн Батсайхан ахдаа талархаж явдгаа хэлмээр байна. Медалийн төлөө барилдах төлөвлөгөөг хоёр багштайгаа маш сайн гаргаж ажиллалаа. Өнгөрсөн жилийн олимпын наадмын алдаагаа давтахгүйн тулд ажилласаны үр дүн өнөөдөр гарлаа. Олимпын алдааг давтахгүйн тулд маш сайн бэлтгэсэн. Өрсөлдөгч маань маш хүчтэй өрсөлдөгч байсан. Бүх өрсөлдөгч хүчтэй байлаа. Биднийг дэмжсэн Монголын ард түмэндээ баярлалаа. “Алдар”, “Аваргууд” клубын хамт болон болон гэр бүлдээ баярлалаа. Манай шигшээ багийнхан бүгд хичээж ажиллалаа" гэлээ.