Ливерпүүл болон Португалын шигшээ багийн довтлогч Диого Жота Испанид болсон зам тээврийн ослын улмаас 28 насандаа амиа алдсан. Испанийн Замора муж дахь A-52 хурдны зам дээр дүү Андре Силватайгаа хамт зорчиж явсан түүний Lamborghini Huracán машин хурдаа хэтрүүлсний улмаас жолоодлого алдсанаар замаас гарч хамгаалалтын хаалт мөргөж, улмаар гал авалцан шатжээ.

Харин Испанийн Цагдаагийн газар өчигдөр Диого Жотагийн авто ослын шалтгааныг урьдчилсан байдлаар тогтоосноо зарлалаа. Испанийн цагдаагийн албаныхны мэдээлснээр ослын гол шалтгаан нь хэт хурдтай явсан, мөн дугуй хагарч “reventón” болсон нь осолд хүргэсэн гэж дүгнэсэн байна. Мөн осол болох үед зам бороотой, гулгамтгай байсныг албаныхан дурджээ.