“Монгол-Оросын өсвөрийн геологичдын анхдугаар олимпиадын үеэр 20 хүн хоолны хордлого болжээ.

Тодруулбал, Налайх дүүрэгт байрлах "GLORY RESORT MONGOLIA" аялал жуулчлалын цогцолборт Монгол улсад анх удаа зохион байгуулагдаж байгаа уг олимпиадад хоёр орны 100 гаруй өсвөрийн геологичид оролцож байна. Өнгөрөн сарын 28-наас эхэлсэн уг тэмцээн долоодугаар сарын 4-нд өндөрлөнө. Гэтэл тэмцээний үеэр уг цогцолборт байрласан 165 хүнээс 20 орчим хүнд хордлогын шинж тэмдэг илэрч, Налайх дүүргийн Эрүүл мэндийн төвд ханджээ. Улмаар ХӨСҮТ-ийн баг очиж сорьц авсан байна. Одоогоор хордлого авсан хүмүүсийн биеийн байдал хэвийн болж, шинжилгээний хариугаа хүлээж байгаа аж.