Бөхчүүд болон бөх сонирхогчдын шүүмжлэлийн бай болоод байсан Төв цэнгэлдэх хүрээлэнгийн хиймэл зүлгийг турших бэлтгэлийг энэ сарын 22, 23-нд зохион байгуулахаар болсныг Монголын үндэсний бөхийн холбооноос мэдээллээ.

Үндэсний их баяр наадмын нээлтийн үйл ажиллагааны бэлтгэл болон засвар бусад ажлаас шалтгаалж бэлтгэл хийх цагийг маргааш зарлах аж. Хотын дарга Х.Нямбаатар Төв цэнгэлдэх хүрээлэнд наадмын өмнө туршилтын барилдаан зохион байгуулж, бөхчүүдийн саналыг сонсоно, бороо орохгүй бол хиймэл бороожуулагч ашиглаж туршилт хийе гэдэг дүгнэлтэд хүрсэн гэдгийг онцолсон юм. Наадмын нээлтийн ёслол болон бусад үйл ажиллагаанаас хамаарч, цэнгэлдэхэд амьд зүлэг дэвсэх боломжгүй талаар албаныхан мэдээлсэн билээ.