МУГТ Э.Цэндбаатар ээлжит тулаанаа долоодугаар сарын 12-нд хийхээр болсон билээ. Тодруулбал АНУ-ын Калифорниа мужийн Фресно хотод байрлах "Save Mart Center"- т PROBOX холбооны ээлжит тулаанаа хийнэ. Э.Цэндбаатарын хувьд энэ нь мэргэжлийн боксод хийх 13 дахь тулаан.

Манай боксчин Мексик гаралтай Америк тулаанч Умберто Галиндотой өрсөлдөхөөр болжээ. Тэрбээр өмнө нь 12 тулалдахдаа зургаад нь өрсөлдөгчөө хүнд цохилтоор ялсан юм.

Умберто Галиндо нь туршлагатай, хурдтай, хүчтэй довтлогчоор үнэлэгддэг ба Цэндбаатартай өрсөлдөх нь Монгол боксын хөгжлийг ахиулахад чухал алхам болох юм.

Хамгийн сүүлд өнгөрсөн хоёрдугаар сарын 25-нд эх орондоо мэргэжлийн боксын тулаан хийж, Мексикийн Педро Бернал Родрегисийг илүүрхсэн. Улмаар тавдугаар сард дараагийн тулааныхаа товыг зарлаж, АНУ-ын Жордан Уайттай тулахаар болсон ч тодорхой шалтгааны улмаас цуцлагдсан аж.