Монгол Улсын Гавьяат тамирчин, Дэлхийн аваргын алт, мөнгө, хүрэл медальт жүдоч Мөнхбатын Уранцэцэг Дэлхийн дээд амжилт бүртгэдэг Геннисийн дээд амжилтад 58 медалийн амжилтаар бүртгэгдлээ гэсэн мэдээлэл өчигдөр /2025.06.16/-өөс хэвлэл мэдээлэл, цахим орчинд гараад буй.

Уг амжилт нь 2021 оны мэдээлэл юм. Тодруулбал, жүдо бөхийн олон улсын томоохон тэмцээн, уралдаануудаас М.Уранцэцэг 21 алт, 16 мөнгө, 21 хүрэл нийт 47 медаль хүртжээ. Тэрбээр жүдо бөхийн замналдаа 2010-2021 оны хооронд 39 медаль хүртэж, Олон улсын жүдо бөхийн холбоо (IJF)-ийн дэлхийн тэмцээнүүдээс хамгийн олон медаль хүртсэн амжилтаар Гиннесийн дээд амжилт тогтоосон. 2010-2014 онд самбо бөхийн дэлхийн 2 удаагийн аварга 2022 онд холимог тулааны төрлөөр АНУ-ын тамирчин Амбер Террелийг гар өчиг хийж ялж байсан.

Энэ талаар М.Уранцэцэгээс өөрөөс нь тодруулахад "Гиннесийн амжилтын тухайд 2021 онд болсон. Та бүхэн нягталж мэдээлэх гэж Олон улсын жүдогийн холбооны chttp://www.ijf.org/judoka/ сайтаас миний нэрийг бичээд хайлт хийгээд мэдээлэл авах боломжтой" гэв.