Монголын Муайтай боксын шигшээ баг энэ зун Вьетнам улсын Тай Нгүен хотод болох Азийн аварга шалгаруулах тэмцээнд өрсөлдөнө. Тус тэмцээн нь Олон улсын Муай Тай боксын холбооны (IFMA) албан ёсны тэмцээн бөгөөд зургадугаар сарын 20-26 өдрүүдэд болох юм.

Шигшээ багийг дасгалжуулагч, ОУХМ Б.Гантогтох удирдан ажиллаж байгаа бол нийт долоон тамирчин Азийн дэвжээнд өрсөлдөхөөр бэлтгэлээ хангаж байна.

Эмэгтэй ангилалд

• Э.Намуунаа (45 кг),
• Ч.Ариун-Энх (48 кг),
• Э.Ариунзаяа (60 кг) нар тулалдах аж.

Эрэгтэй U23 насны ангилал

• 60 кг-д Д.Мөнх-Од,
• насанд хүрэгчдийн 51, 60, 71кг-д Н.Цогтгэрэл, Б.Амгаланбаяр, Н.Алтанбаяр нар тус тус оролцох юм.